2027 жылдан бастап АҚШ-тағы басты жыл сайынғы кино сыйлығы — «Оскар» аясында жаңа номинация пайда болады. Бұл номинация каскадерлік трюктерді қою саласындағы жетістіктерді марапаттауға арналған.
Америка киноөнері және ғылым академиясының мәлімдеуінше, жаңа номинация алғаш рет мерейтойлық 100-ші «Оскар» салтанаты кезінде табысталады.
«Бүгін Киноөнері және ғылым академиясының басқарма мүшелері 2027 жылы шығатын фильмдерге арнап 100-ші "Оскар" рәсімінен бастап, каскадерлік трюктерді қою саласындағы жетістіктер үшін жыл сайынғы "Оскар" сыйлығын беру туралы шешім қабылдады», — деп нақтылады академия өкілдері.
Жаңа номинация бойынша дауыс беру тәртібі мен қатысу ережелері екі жылдан кейін жария етіледі.
